विराटनगर । भदाै १७
सात वर्षकी छोरीलाई बलात्कार गरेको अभियोगमा एकजना बाबु पक्राउ परेका छन् । पक्राउ पर्नेमा ४० वर्षीय व्यक्ति छन् ।
महानगरीय प्रहरी वृत्तले मंगलबार साँझ उनलाई पक्राउ गरेको छ । पीडितको परिचय खुल्ने भएकाले पक्राउ पर्ने व्यक्तिको नाम पनि खुलाइएको छैन ।
प्रहरी वृत्त बानेश्वरका डीएसपी दक्षकुमार बस्नेतका अनुसार आमाले जबरजस्तीकरणी सम्बन्धी कसूरमा किटानी जाहेरी दिएपछि पक्राउ गरेर अनुसन्धान थालिएको छ । ‘बुधबार जिल्ला अदालत, काठमाडौंबाट म्याद थप गर्दैछौं ।’ बस्नेतले बताएका छन् ।
केही दिनअघि बालिकाले यौनाङ्ग दुख्यो भनेपछि आमाले उपचारका लागि अस्पताल लगेकी थिइन् । उपचारका क्रममा बाबुले सात महिनादेखि पटकपटक बलात्कार गर्ने गरेको खुलेको प्रहरीले बताएकाे छ ।
https://youtu.be/BFpnJ-Qxiak