विराटनगर, भदौ १४ ।
प्रहरीले सुनसरीको भण्टाबारीबाट कोरोना भाइरसको महामारीका समयमा भारतबाट ठूलो परिणामको लागुऔषध लिएर आउँदै गर्दा एक युवालाई पक्राउ गरेको छ ।
शनिबार साँझ, कोशी गाउँपालिका–८ का २२ वर्षीय सुशील शर्मालाई लागुऔषध नियन्त्रण ब्युरो विराटनगरबाट खटिएको विशेष टोलीले पक्राउ गरेको हो । भारतबाट साइकलमा लागुऔषध लिएर आउँदै गर्दा उनी भण्टाबारी चौक नजिक पूर्व–पश्चिम राजमार्गबाट पक्राउ परेको हो ।
प्रहरीले शंका लागेर नियन्त्रणमा लिएको थियो । खानतलासी गर्ने क्रममा सुशीलले साइकलमा झुन्ड्याएको नाइलनको झोलाबाट ठूलो परिणामको लागुऔषध बरामद भएको हो ।