२५ फागुनमा हुने राष्ट्रपति चुनावका लागि उम्मेदवारी दिएका दुवै जना उम्मेदवारविरुद्ध कुनै उजुरी परेन । १३ फागुनमा आठ दलको समर्थनमा कांग्रेसका रामचन्द्र पौडेल र एमालेबाट सुवाश नेम्वाङले राष्ट्रपतिमा उम्मेदवारी दर्ता गराएका छन् ।
राष्ट्रपति चुनाव निर्वाचन अधिकृतको कार्यालयले १४ फागुनका लागि लागि उम्मेदवारविरुद्ध उजुरी दिन पाउने कार्यतालिका सार्वजनिक गरेको भए पनि कुनै उजुरी नपरेको जनाएको छ । कुनै उजुरी नपरेकाले दुवै जनाको उम्मेदवारी कायम रहेको छ ।
राष्ट्रपतिमा संघीय सांसद र प्रदेश सांसदले मतदान गर्छन् । निर्वाचन आयोगले १० फागुनमै मतदाता नामावली प्रकाशित गरिसकेको छ । सबै मतदाताले काठमाडौंस्थित संसद भवनमा तोकिएको मतदान केन्द्रमा मतदान गर्नेछन् ।