Logo

बरडंगामा उद्घोषण, भाषणकला तथा आधारभूत पत्रकारिता तालिम सम्पन्न

                     
Logo 2023-01-13 03:01     Desk

13

विराटनगर । मोरङको सुनवर्षीमा–७ स्थित बरडंगामा लक्षित बर्गका लागि उद्घोषण, भाषणकला तथा आधारभूत पत्रकारिता तालिम सम्पन्न भएको छ । वडा कार्यालय बरडंगाको सहयोगमा विराट टाईम्स मिडिया प्रा.लि. को आयोजनामा सञ्चालित ‘लक्षित बर्गका लागि’ तीन दिने उद्घोषण, भाषणकला तथा आधारभूत पत्रकारिता तालिम मंगलबार सम्पन्न भएको हो ।

तालिम लक्षित बर्गका अगुवा र स्थानीय युवा युवतीहरुको क्षमता विकास गर्ने उद्देश्यले आयोजना गरिएको तालिमबाट ३२ जना लाभान्वित भएका छन् । तालिमको समापन कार्यक्रममा बोल्दै सुनवर्षी नगरपालिकाका मेयर श्यामप्रसाद राजवंशीले ग्रामिण क्षेत्रका जनता पनि सञ्चार माध्यामको पहुँचमा पुग्नुपर्ने बताए । ‘मिडियाहरु सदरमुकाम केन्द्रीत जस्तो देखिएको छ । गाउँका कुराहरु मिडियासम्म पुग्न सकेको छैन ।’ उनले भने,‘अब स्थानीय स्तरमा पनि पत्रकारहरु उत्पादन गरि यहाँका विषयवस्तु सञ्चार माध्यममा ल्याउन नगरपालिकाले पनि सहयोग गर्छ ।’

उनले दलित, महिला, मधेशी, मुस्लिम, आदीवासी जनजातीलगायत सिमान्तकृत समुदाय विगतमा विभिन्न कारणले पछाडी परेपनि अब उनीहरुको क्षमता विकास गरि सक्षम बनाउनुपर्ने र त्यसका लागि नगरपालिकाको सहयोग रहने बताए । मेयर राजवंशीले तालिममा विभिन दलका स्थानीय नेताहरुसमेत सहभागी भएकोमा खुशि व्यक्त गर्दै उनीहरुमा थप क्षमता बृद्धि भएको आफुले अपेक्षा गरेको बताए ।

उनले सहभागीले तालिममा सिकेको शिप र विषयवस्तुहरुलाई व्यबहारीक रुपमा लागु गर्न सक्नुपर्नेसमेत बताए । मेयर राजवंशीले तालिम अत्यन्त व्यवस्थित ढंगले सञ्चालन भएको र आयोजकले थोरै समयमा पनि प्रशिक्षर्थीलाई धेरैकुरा सिकाए पनि तीन दिन सयम कम भएको आफूले महसुस गरेको बताए ।

कार्यक्रममा सुनवर्षी नगरपालिकाकी उपमेयर मीरादेवी दासले स्थानीय जनप्रतिनिधिहरुका लागि पनि तालिम निकै उपयोगी भएको बताइन् । उनले क्षमताको विकासले मात्र सवैकुरामा अघि बढ्न सकिने बताइन् । उनले तालिमको शिपलाई सहि ढंगले उपयोग गर्न सहभागीलाई आग्रह गरिन् ।

समापन कार्यक्रममा बोल्दै सहभागीको तर्फबाट केशव ऋषिदेव, सिकन्दर साह, विन्दोदवी ठाकुर र पुनमदेवी साहले तीन दिनको तालिममा आफुहरुले धेरै कुरा सिकेको बताए । उनीहरुले तालिममा सहभागी हुनु अघि भन्दा तालिममा सहभागी भइसकेपछि आफुलाई फरक महसुस गरेको बताए । उनीहरुले तालिमका प्रशिक्षकहरुले सैद्धान्तिकसँगै प्रयोगात्मक विधिबाट सिकाउँदा बुझ्न निकै सजिलो भएको बताए । उनीहरुले आफ्ना लागि तालिम निकै उपयोगी बनेको समेत बताए ।

कार्यक्रममा प्रशिक्षक भद्रमान विश्वकर्मा, सोही वडाका वडाध्यक्ष संजयकुमार सिंह गन्गाई, वडा सदस्यहरु जयनारायण ठाकुर, जामुल रहमान, पार्बतीदेवी ऋषिदेव, गीतादेवी सिंह, वडा सचिव भविन कार्की, सुनवर्षी–९ का वडा सदस्य जगदीस सहनी, नेपाली कांग्रेस वडा समितिका सचिव अचनलाल सिंह, नेकपा (एमाले) वडा कमिटी अध्यक्ष रामकुमार सिंह गन्गाई, माओवादी केन्द्रका वडा समिति अध्यक्ष सामबहादुर सिंह, जसपाका वडा समिति अध्यक्ष राधानन्द ठाकुरलगायतले सहभागीलाई तालिमको सदुपयोग गर्न आग्रह गर्दै आगामी दिनका लागि शुभकामना दिए ।

तालिमका सहभागीलाई मेयर श्याम प्रसाद राजवंशी, उपमेयर मीरादेवी दास, वडाध्यक्ष संजयकुमार सिंह (गान्धी), वडा सदस्यहरु जयनारायण ठाकुर, जामुल रहमान, पार्बतीदेवी ऋषिदेव, गीतादेवी सिंह, वडा सचिव भविन कार्की, सुनवर्षी–९ का वडा सदस्य जगदीस सहनी, नेपाली कांग्रेस वडा समितिका सचिव अचनलाल सिंह, नेकपा (एमाले) वडा कमिटी अध्यक्ष रामकुमार सिंह गन्गाई, माओवादी केन्द्रका वडा समिति अध्यक्ष सामबहादुर सिंह, जसपाका वडा समिति अध्यक्ष राधानन्द ठाकुर, प्रशिक्षक भद्रमान विश्वकर्मा, सहजकर्ता किशोर विश्वकर्मालगायतले प्रमाणपत्र वितरण गरेका थिए ।

तीन दिने तालिममा वरिष्ठ पत्रकार यज्ञशर्मा, प्रशिक्षक भदमान विश्वकर्मा र किशोर विश्वकर्माले प्रशिक्षण दिएका थिए । समापनमा प्रमुख अथितीलगायत अतिथीहरुलाई मायाको चिनोसमेत वितरण गरिएको थियो ।


लोकप्रिय छुटाउनुभयो कि ?