Logo

प्रदेश १ को सभामुखमा माओवादीका बाबुराम निर्विरोध निर्वाचित

                     
Logo 2023-01-12 12:01     Desk

13

विराटनगर । प्रदेश १ को सभामुखमा बाबुराम गौतम निर्वाचित भएका छन । एकल उम्मेदवारी परेकाले उनी निर्विरोध निर्वाचित भएका हुन् । उनी ओखलढुंगा प्रदेशसभा २ बाट निर्वाचित माओवादी केन्द्रका सांसद हुन् ।

कांग्रेसले मनोनयन दर्ता नगरेको यस प्रदेशमा सत्तागठबन्धनबाट गौतमको एकल उम्मेदवारी परेको थियो । आजै दिउँसो १ बजे गौतमले शपथ लिनेछन् ।

ज्येष्ठ सदस्य गयानन्द मण्डलले एकल उम्मेदवार परेकाले निर्विरोध निर्वाचित भएको घोषणा गरेका छन् ।प्रदेश १ को पहिलो कार्यकालमा एमाले सांसद प्रदीपकुमार भण्डारी सभामुख बनेका थिए ।

उपसभामुखको निर्वाचन भने पुस ३० गतेका लागि तोकिएको छ । सत्तारुढ गठबन्धनबिच भागबन्डा गर्दा प्रदेश १ को मुख्यमन्त्री र उपसभामुख नेकपा एमालेको भागमा परेको छ ।


लोकप्रिय छुटाउनुभयो कि ?