Logo

खार्जीमा सिलाईकटाई तालिम सम्पन्न

                     
Logo 2022-11-23 11:11     Desk

13

विराटनगर, ७ मंसिर । विराटनगरस्थित खार्जी गाउँमा महिलाहरुका लागि सञ्चालन भएको सिलाई कटाई तालिम सम्पन्न भएको छ । रोटरी क्लब अफ विराटनगर डाउनटाउनको आयोजनामा गत साउन २२ गतेबाट सुरु भएको तालिम सम्पन्न भएको हो ।

विपन्न परिवारका महिलाहरुलाई स्वरोजगार बनाई आर्थिक रुपमा सबल बनाउन तालिम प्रदान गरिएको हो । तालिमबाट २० जना स्थानीय महिलाहरु लाभान्वित भएको रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् ।

तालिमका लागि सिलाई मेसिन र तालिमको प्रशिक्षण एनएमबि बैंकले प्रायोजन गरेको थियो । तालिममा सहभागी महिलाहरुलाई सिलाई मेशिन र प्रमाणपत्र वितरण गरिएको छ ।

तालिम समापन कार्यक्रमम एनएमबि बैंकका प्रदेश प्रमुख सन्तोष बुढाथोकी, बैंकका प्रवन्धक कुलप्रसाद घिमिरे, वडाध्यक्ष जितेन थापा, रोटरी क्लब अफ विराटनगर डाउनटाउनका पदाधिकारी, सदस्यहरु, आरसीसी सदस्यहरुको उपस्थिती रहेको थियो ।कार्यक्रमको संयोजक सन्तोष तोदी रहेका थिए ।


लोकप्रिय छुटाउनुभयो कि ?