13
काठमाडौं । राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्रले २०४६ सालको जनआन्दोलनपछि नेपाली कांग्रेस पार्टीमा गम्भीर वैचारिक विचलन आएको आरोप लगाएका छन् । कांग्रेसको ‘प्रचण्डीकरण’ पछि खाली भएको नरम दक्षिणपन्थी स्पेसलाई अब राप्रपाले उपयोग गर्ने उनले बताए ।
आज राप्रपासँगको एकता समारोहलाई सम्बोधन गर्दै मिश्रले आफूले मार्ग परिवर्तन गर्नुपर्नाको कारणबारे लामो प्रष्टीकरण दिएका थिए । केही समय अलमलमा रहे पनि आफू अन्ततः गणतन्त्र, धर्मनिरपेक्षता र संघीयता नेपालको हितमा नरहेको निष्कर्षमा पुगेको उनले उल्लेख गरे ।
