Logo

वाणिज्य बैंकहरुले ब्याजदर बढाउनु अस्वाभाविक : वरिष्ठ उपाध्यक्ष ढकाल

                     
Logo 2022-09-21 06:09     Desk

13

नेपाल उद्योग वाणिज्य महासंघका वरिष्ठ उपाध्यक्ष चन्द्रप्रसाद ढकालले बैंकहरुले ब्याज बढाउनु स्वाभाविक नभएको बताएका छन् । बुधबार नेपाल र इण्डोनेसिया एक्स्पो जानकारी कार्यक्रमपश्चात् सञ्चारकर्मीसँग कुराकानी गर्दै वरिष्ठ उपाध्यक्ष ढकालले यस्तो बताएका हुन् ।

वाणिज्य बैंकहरुले ब्याज बढ्दैमा निक्षेप नबढ्ने बताउँदै वरिष्ठ उपाध्यक्ष ढकालले कोभिड–१९ पछि तरलता अभावको कारण व्यवसायिक गतिविधि बढाउन र उद्योगको क्षमता विस्तार गर्न समेत नसकिएको बताए । पछिल्लो समय रेमिट्यान्स र पर्यटनको क्षेत्रमा भएको सुधारले तरलता अभावमा देखिएको समस्या समाधान गर्न सहयोग हुने उनले बताए ।

पछिल्लो समय व्यावसायिक गतिविधि बढ्नुपर्ने अवस्थामा तरलता अभावका कारण व्यापारिक गतिविधि खुम्चिरहेको उनले बताए ।


लोकप्रिय छुटाउनुभयो कि ?