Logo

डिजेल, पेट्रोल र मट्टीतेलको मूल्य घट्ने

                     
Logo 2022-06-25 01:06     Desk

13

सरकारले पेट्रोलियम पदार्थमा लगाउँदै आएको कर घटाएसँगै डिजेल, पेट्रोल र मट्टीतेलको मूल्य पनि घट्ने भएको छ ।

पेट्रोलमा २० रुपैयाँ कर कटौती गरिएको छ । अब एक लिटर तेल १ सय ७९ रुपैयाँमा पाइने छ । आज राति १२ बजेसम्म भने पेट्रोलको मूल्य प्रतिलिटर १ सय ९९ नै रहने छ । किनकि, समायाेजित मूल्य राति १२ बजेपछि लागू हुने छ ।

यसैगरी डिजेलमा र मट्टीतेलमा लाग्ने कर लिटरमा २९ रुपैयाँ कटौती गरिएको आपूर्तिमन्त्री दिलेन्द्र बडूले जानकारी दिए । योसँगै डिजेल र मट्टीतेल प्रतिलिटर १ सय ६३ रुपैयाँमा किन्न पाइने छ ।

अन्तर्राष्ट्रिय बजारमा कच्चा तेलको मूल्य बढेको भन्दै पछिल्लो पल्ट नेपाल आयल निगमले डिजेल र मट्टितेलमा २७ र पेट्रोलमा प्रतिलिटर २१ रुपैयाँ बढाएको थियो । तर, करका कारण उपभाेक्ता महँगीकाे  सिकार भएकाे भन्दै चाैतर्फ दबाब परेपछि सरकार कर घटाएर भए पनि मूल्य समायाेजन गर्न बाध्य भएकाे हाे ।


लोकप्रिय छुटाउनुभयो कि ?