13
निजगढ । मधेसका मुख्यमन्त्री लालबाबु राउतले निजगढको अन्तर्राष्ट्रिय विमानस्थल कुनै पनि बहानामा सार्न नमिल्ने बताएका छन् ।
निजगढमा विमानस्थल बन्नुपर्ने माग गर्दै आन्दोलनरत निजगढ सार्वजनिक सरोकार समितिसँग साक्षात्कार कार्यक्रममा मुख्यमन्त्री राउतले सो कुरा बताएका हुन् । उनले मधेस प्रदेशको विकासका लागि अति महत्वपूर्ण निजगढ विमानस्थान सार्ने खेल आफूहरूलाई स्वीकार्य नहुने चेतावनी दिए ।
मुख्यमन्त्री राउतले सर्वोच्च अदालतको फैसलाको पूर्णपाठ अझै आइनसकेकोले नआत्तिन निजगढबासीलाई आग्रह गरे । उनले पूर्णपाठमा निजगढ विमानस्थलका लागि सकारात्मक सन्देश आउने विश्वास व्यक्त गरे ।
