13
विराटनगर, ११ वैशाख । विराटनगर महनगरको मेयरका लागि उमेश यादवले उम्मेदवारी दर्ता गराएका छन् । शनिबार जसपा परित्याग गरेको घोषणा गरेका यादवले आइतबार विराटनगरको मेयर पदका लागि स्वतन्त्र उम्मेदवारी दर्ता गराएका हुन् ।
आईतबार विराटनगरस्थित मुख्य निर्वाचन अधिकृतको कार्यालयमा उनले स्वतन्त्र उम्मेदवारी दिएका हुन् । नेता यादवले गठबन्धनबाट कार्यकर्तालाई ठूलो धोका भएको चर्चा गर्दै महानगर प्रमुखको पदमा स्वतन्त्र उम्मेदवारी दिएका हुन् ।
२०७४ सालको निर्वाचनमा जसपाबाट महानगर प्रमुख पदमा उम्मेदवारी दिई यादव तेस्रो भएका थिए । यादव जसपाका प्रभावशाली नेता हुन् । उनको विराटनगरमा बलियो पकड छ । स्वतन्त्र उम्मेदवारी दिएसँगै सत्तारुढ कांग्रेस र जसपाको भोट काटिने निश्चीतप्रायः छ ।
