Logo

नेपाल सरकारका पूर्वसचिव रेग्मीको निधन

                     
Logo 2021-09-02 04:09     Desk

13

नेपाल सरकारका पूर्वसचिव श्रीकान्त रेग्मीको आज बिहान ७१ वर्षको उमेरमा निधन भएको छ ।

केही वर्षदेखि मिर्गौला र मधुमेह रोगबाट पीडित रहेका रेग्मीको आज बिहान शिक्षण अस्पताल महाराजगञ्जमा निधन भएको हो ।

लामो समयसम्म गृहसचिव रहेका उनी एक कुशल प्रशासकका रूपमा चिनिन्छन् । उनका प्रशासन सुधारसम्बन्धी थुप्रै लेख, रचना तथा अन्तर्वार्ताहरु प्रकाशन, प्रसारण भएका छन् ।

रेग्मीको श्रीमती र दुई छोरा छन् । छोरा विदेशमा रहेकाले स्वदेश फर्केपछि मात्रै अन्तिम दाहसंस्कार गरिने पारिवारिक स्रोतले जनाएको छ ।


लोकप्रिय छुटाउनुभयो कि ?