Logo

विराटनगरमा जुक्त चप्पल व्यापार मेला सुरु, १० करोडको कारोवार गर्ने अपेक्षा

                     
Logo 2021-03-19 12:03     Hamro Biratnagar

13

विराटनगर : प्रदेश १ को राजधानी विराटनगरमा बिहिबारदेखि जुत्ता चप्पल ब्यापार मेला शुरु भएको छ । एकमहिने मेलामा ६ लाख जोर जुत्ताचप्पल बिक्री गर्ने लक्ष्य राखिएको छ । ‘स्वदेशी वस्तुको प्रवद्र्धन हाम्रो अभियान’ भन्ने मुल नाराका साथ एक महिने जुत्ता चप्पल मेला सुरु भएको हो ।

विराटनगर–७ स्थित साबिकको जलजला सिनेमा हल अगाडीको खाली जग्गामा बिहीबारबाट एक महिने जुत्ताचप्पल ब्यापार मेला शुरु भएको हो । फुटवेयर एशोसिएसन अफ नेपालले आयोजना गरेको मेलाको विराटनगर महानगरपालिकाका मेयर भीम पराजुलीले उद्घाटन गरे ।

मेलामा बिएफ डियर हिल,शिखर सुज,कोशेली सुज, क्रसरोड सुज, रेम्बो सुज,रोयल सुज,फास्ट वाक सुज, रन सुज, स्मार्ट सुज, म्याजिक सुज र हाईलाफ सुजले आआफ्ना स्टल राखेका छन ।

ती १४ वटा उद्योगहरुले मेलामा ५ हजार बढी मोडेलका जुत्ताचप्पलहरु प्रर्दशन तथा विक्रीमा राखेका छन । २० वटा स्टल राखिएको मेलामा न्युनतम १ सयदेखी १० हजार रुपैयासम्मको जुत्ताचप्पल प्रर्दशन तथा विक्रीमा राखिएको आयोजक फुटवेयर एशोसिएसन अफ नेपालका सदस्य रुद्र न्यौपानेले जानकारी दिए ।

१ महिने मेला अवधिमा १० करोड बढीको ब्यापार गर्ने लक्ष्य राखिएको आयोजक समितिले जनाएको छ । मेलामा प्रर्दशित गरिएका विभिन्न कम्पनीका जुत्ता चप्पलहरुमा १० प्रतिसत देखी ५० प्रतिशतसम्म छुट दिने ब्यवस्था गरिएको छ ।

यसबर्षको मेला आउदा उपभोक्ताले बिगतभन्दा फरक अनुभव गर्नपाउने विराट फुटवेयर एक्सपो २०७७ का संयोजक होमनाथ उपाध्यायले दावी गरे । यसअघि गएको बर्ष विराटनगरकै मेनरोडमा रहेको जैन भवनमा मेला आयोजना गरिएको थियो । विराटनगरमा २०७२ सालदेखि प्रत्येक वर्ष सो मेला आयोजना हुँदै आएको छ । गत वर्ष भने कोरोना महामारिका कारण मेला सञ्चालन हुन सकेको थिए । मेलामा प्रदेश १ का विभिन्न स्थानबाट उपभोक्ताले जुत्ता चप्पल खरिद गर्नुका साथै मेला अवलोकन गर्ने संयोजक उपाध्यायले जानकारी दिए । उनले २०५९ सालदेखि काठमाडौंको भृकुटीमण्डपबाट जुत्ताचप्पल मेला सुरु गरिएको बताए ।


लोकप्रिय छुटाउनुभयो कि ?