Logo

विराटनगरमा तीन वटा आकाशे पुल बन्ने, मेयर पराजुलीले गरे शिलान्यास

                     
Logo 2021-03-16 10:03     Desk

13

विराटनगर, २ चैत । विराटनगर महानगरपालिका क्षेत्रमा यातायात साधनको वढ्दो चापलाई ध्यानमा राखि नागरिकलाई सडक आरपार गर्न सहजताका लागि आज विराटनगरमा तीन वटा आकाशे पुलको संयुक्त रुपमा शिलन्यास गरिएको छ । महानगरका प्रमुख भीम पराजुलीले वडा नं ४ बरगाछीस्थिति पुलको शिलन्यास गरे ।

विराटनगरको बरगाछी, कञ्चनवारी र भट्टीभोडको घाँस चौकमा निर्माण गरिने पुल चालु आर्थिक वर्षमा निर्माण सम्पन्न गर्ने लक्ष्य लिएको नगरका इन्जिनियर अर्जुन थापाले जानकारी दिए । उक्त्त तीन पुल रु दुई करोड ४७ लाखको लागतमा स्टिल स्टक्चरको आधारमा २५ मिटर लम्वाई, पाँच दशमलव पाँच मिटर उचाईको हुने छ ।

एक ठाउँबाट अर्को ठाउँमा सार्ने पुल बरगाछीमा दुई स्टेयर, घाँस चोक र कञ्चनबारीमा चार स्टेयरको हुने छ । कला विल्डरले बरगाछी र घाँस चोकको र आर के विल्डसले कञ्चनबारीको निर्माणको ठेक्का पाएको इन्जिनियर थापाले बताए ।

महानगरका प्रमुख पराजुलीले नागरिकको सहजता नगरको प्रमुख दायित्व हो भन्दै महानगरमा उपलव्ध हुनु पर्ने सेवा सुविधा क्रमशः प्रदान गराउने प्रतिवद्धता व्यक्त गरे । उनले नगरको यातायात, स्वास्थ्य , शिक्षा र खेलकूदको महानगरले कार्य गरेको चर्चा गर्दै आगामी दिन नगरको शोभा झल्किने नगर स्वागतद्वार निर्माण गर्ने बताए । वडा नं ४ का अध्यक्ष देवेन्द्रराज पोखरेलले पुल निर्माणबाट नागरिकहरुले सडक दुर्घटनामा अकालै ज्यान गुमाउने कार्यमा न्यूनिकरण हुने विश्वास व्यक्त गरे ।


लोकप्रिय छुटाउनुभयो कि ?