Logo

भागरथी हत्याका आरोपित नाबालक भएको पुष्टि

                     
Logo 2021-02-18 09:02     Desk

13

बैतडी दोगडाकेदार गाउँपालिका– ७ की १७ वर्षीया किशोरी भागरथी भट्टको बलात्कार र हत्या आरोपमा पक्राउ परेका किशोर नाबालक नै रहेको पुष्टि भएको छ । जिल्ला प्रहरी कार्यालय बैवडीका प्रमुख प्रहरी नायव उपरीक्षक (डीएसपी) नारायण अधिकारीले अभियुक्तको उमेर १६ वर्ष रहेको बताए ।

प्रहरी प्रधान कार्यालयको केन्द्रीय समाचार कक्षबाट जारी विज्ञप्तिमा पनि आरोपितको उमेर १६ नै लेखिएको छ । हिजो प्रहरीले पत्रकार सम्मेलन गर्दा भने अभियुक्तको उमेर १८ वर्ष भनिएको थियो ।

पत्रकार सम्मेलनमा बोल्दै सुदूरपश्चिम प्रदेश प्रहरी प्रमुख प्रहरी नायव महानिरीक्षक (डीआईजी) उत्तमराज सुवेदीले उनको उमेर १८ वर्ष भएको दाबी गरेका थिए । १८ वर्ष मुनिकालाई नाबालिग मानिन्छ ।

कानुनअनुसार अपराधमा संलग्न नाबालिगको पहिचान खोल्न मनाही गरिएको छ । बालबालिकासम्बन्धी ऐनले १८ वर्ष मुनिकाको परिचय खोल्न नहुने व्यवस्था गरेको छ ।


लोकप्रिय छुटाउनुभयो कि ?