Logo

ट्रिपरको ठक्करबाट एक जनाको मृत्यु

                     
Logo 2021-02-12 08:02     Desk

13

विराटनगर, ३० माघ । संखुवासभाको खाँदवारी–किमांथान्का सडक खण्डमा आज विहान ट्रिपरको ठक्करबाट एक जनाको मृत्यु भएको छ । टिपरको ठक्करबाट मकालु–३ हेदाङनाका मोटरसाइकल चालक ४२ वर्षीय खड्गबहादुर राईको मृत्यु भएको प्रहरीले जनाएको छ ।

जिल्लाको मकालु गाउँपालिका ३ घर भएका मृतक राईलाई आज बिहान साढे ९ बजे भारतको बिहार प्रदेशको ७६१० नम्बरको ट्रिपरले विपरीत दिशातर्फबाट आएको को २३ प ४८१५ नम्बरको मोटरसाइकललाई ठक्कर दिंदा मोटरसाइकल चालक राईको घटनास्थलमै मृत्यु भएको जिल्ला प्रहरी कार्यालय संखुवासभाका सूचना अधिकारी सन्तोष बुढाथोकीले जानकारी दिए ।

ट्रिपरको ठक्करबाट गम्भीर घाइते मृतक राईकी श्रीमती प्रेमकुमारी राईको प्राथामिक स्वास्थ्य केन्द्र नुममा साधारण उपचारपछि थप उपचारका लागि काठमाडौं लगिएको जनाइएको छ ।

मकालुको फाक्सिदा घर भएका मृतक राई राजारानी आधारभुत विध्यालयका सहयोगी हुन भने गम्भीर घाईते उनकी श्रीमति सोहि विद्यालयको बाल शिक्षिकाका रुपमा कार्यरत रहेकी छन् ।

अरुण तेस्रो जलविधुत आयोजनामा काम गर्दै आएको उक्त टिपरका चालक काभ्रेको नवबुध नगरपालिका ६ का ३० वर्षीय सुवास चौलागाईं रहेका छन् । उनलाई प्रहरीले नियन्त्रणमा लिएको छ ।


लोकप्रिय छुटाउनुभयो कि ?