Logo

अपहरणको फरक शैली, शारीरिक सम्बन्ध राख्न बोलाएर अपहरण

                     
Logo 2020-09-11 07:09     Hamro Biratnagar

13

Setopati

काभ्रेमा एक पुरूषलाई अपहरण गरेर फिरौती रकम मागेको आरोपमा तीन जनालाई प्रहरीले पक्राउ गरेको छ।पक्राउ पर्नेमा धुलिखेल नगरपालिका-४ स्थित २८ किलो डेरा गरी बस्ने १९ वर्षीय आकाश परियार, उनकी २१ वर्षीय श्रीमती सविना तामाङ र उमा परियारलाई पक्राउ गरेको हो।

जिल्ला प्रहरी कार्यालय, काभ्रेका डिएसपी कुमार विक्रम थापाका अनुसार आकाश र सविनालाई प्रहरीले बिहीबार पक्राउ गरेको थियो भने उमालाई शुक्रबार पक्राउ गरेको हो ।यस घटनामा संलग्न अरु दुई जना अझै फरार छन्।

उनीहरूले काभ्रे पाँचखाल नगरपालिका-१२ देवभूमि बस्ने २३ वर्षीया एक पुरूषलाई बुधबार शारीरिक सम्बन्ध राख्नका लागि बोलाएपछि अपहरण गरेको डिएसपी थापाले बताएका छन् ।

आकाशकी श्रीमती सविना र ती पुरूषको पहिले नै फोनमार्फत् चिनजान भइसकेको र सबिनाले ती पुरूषलाई बुधबार शारीरिक सम्बन्ध राख्ने भन्दै भेट्न बोलाएपछि उनीहरू धुलिखेलको २८ किलोमा भेट भएर जङ्गलमा गए । उनीहरू जंगलमा पुग्ने बित्तिकै आकाश आएर त मेरो श्रीमतीसँग शारीरिक सम्बन्ध राख्ने भन्दै कुटपिट गरेको र पछि ५० हजार मागेको डिएसपी थापाले बताए ।

'उनीहरूले पूर्वयोजना बनाएर शारीरिक सम्बन्ध राख्ने भन्दै बोलाउने अनि लुट्ने गरेको देखियो' थापाले भने । तर ती पुरूषसँग पैसा नभएपछि कुरा बाहिरिएको उनले बताए।

ती पुरुषसँग पैसा नभएपछि उनीहरूले बन्धक बनाएर राखे। ती व्यक्तिले अर्कैलाई पैसा मगाएपछि कुरा बाहिरिएको थापाले बताए ।

प्रहरीले खबर पाएपछि ती पुरूषलाई बुधबार राति साढे ११ बजे उद्धार गरेको थियो। उनीहरूले अरूलाई ठगेका थिए कि थिएनन् भन्ने खुल्न सकेको छैन ।

उनीहरूमाथि प्रहरीले जिल्ला अदालत काभ्रेबाट हिरासतमा राखी अनुसन्धान गर्न अनुमति लिएर मुलुकी अपराध संहिता, २०७४ को परिच्छेद-१७ अपहरण वा शरीर बन्धकसम्बन्धी कसूरमा अनुसन्धान अघि बढाएको छ ।

https://youtu.be/2tkDS660mfk

 


लोकप्रिय छुटाउनुभयो कि ?