Logo

कोसी अस्पतालले भर्ना नलिएपछि गर्भवती महिलाको मृत्यु

                     
Logo 2020-09-11 11:09     Hamro Biratnagar

13

विराटनगर, २६ भदौ

मोरङको विराटनगरस्थित कोसी अस्पतालले भर्ना लिन नमान्दा एक गर्भवति महिलाको मृत्यु भएको छ।

मृत्यु हुनेमा विराटनगर महानगरपालिका-६ मा डेरा गरी बस्ने ३० वर्षीया विमला ऋषिदेव रहेकी छन् ।प्रसुति गराउन बिहान १ बजे कोशी अस्पताल पुर्‍याइएकोमा बेड नभएको भन्दै भर्ना नलिएपछि घर फिर्ता लगिएकी महिलाको बिहान चार बजे मृत्यु भएको स्थानीय विवेक मुखियाले बताए ।

[caption id="attachment_3632" align="alignnone" width="960"] Koshi online[/caption]

गरिब परिवारकी महिलाको मृत्युपछि रकम अभावमा शव व्यवस्थापनमा समस्या भएपछि नेपाली कांग्रेसका प्रदेश १ का प्रमुख सचेतक एवम् प्रदेश सांसद केदार कार्कीले आर्थिक सहयोग उपलब्ध गराई दाहसंस्कारको व्यवस्था मिलाएका थिए ।

दुई पटक शल्यक्रिया गरिसकेकोले तेस्रो पटक गर्न नसकिने भन्दै अस्पतालले फिर्ता पठाएपछि महिलाको मृत्यु भएको सांसद कार्कीले बताए ।

अस्पतालका मेडिकल सुपरिटेन्डेन्ट डा. चुमनलाल दासले भने अस्पतालले प्रसुति सेवाका लागि आउने महिलालाई अस्पतालले फिर्ता नपठाउने गरेको दाबी गरे ।


लोकप्रिय छुटाउनुभयो कि ?