13
विराटनगर, भदौ २५
मोरङको विराटनगर महानगरपालिका-२ का वडाध्यक्ष कुमार पोख्रेलमा कोरोना संक्रमण पुष्टि भएको छ ।
एक संक्रमितको कन्ट्याक्ट ट्रेसिङका क्रममा परीक्षण गरिएकोमा हिजो बुधबार उनको नतिजा पोजिटिभ देखिएको हो ।
विराटनगर महानगरपालिकाका स्वास्थ्य शाखा प्रमुख रमेश कार्कीका अनुसार विराटनगरमा पहिलो पटक महानगरपालिका जनप्रतिनिधिमा कोरोना संक्रमण पुष्टि भएको हो ।
वडाध्यक्ष पोख्रेलले संक्रमण पुष्टि भएपछि आफू कुनै लक्षणबिना होम आइसोलेसनमा रहेको बताएका छन् ।
बुधबारसम्म विराटनगरमा एक हजार तीन सय ५१संक्रमितमध्ये सात सय ८९ जना निको भएको र १५ जनाको ज्यान गएको महानगरपालिकाले जनाएको छ ।
