13
विराटनगर । भदाै २४
विराटनगरको न्यूरो–कार्डियो एण्ड मल्टिस्पेसियालिटी अस्पतालले बुधबारबाट कोरोना संक्रमितको निःशुल्क उपचार सुरु गरेको छ । कोरोना संक्रमितका लागि सञ्चालनमा ल्याएको कोरोना अस्पतालमा न्यूरो अस्पतालले संक्रमितको उपचार निःशुल्क गरेको हो ।
सरकारसँग सम्झौता भएपछि न्यूरोले बुधबारबाट सेवा निःशुल्क गरेको न्यूरो अस्पतालका अस्पताल डाइरेक्टर इन्जिनियर रञ्जितराज बस्नेतले जानकारी दिएका छन् ।
अहिले न्यूरोले सञ्चालन गरेको ५१ बेडको कोरोना अस्पतालमा ४२ वटा जनरल बेड, ७ वटा आईसीयू र दुई वटा भेण्टिलेटर बेड राखिएको छ ।
त्यस्तै मंगलबारबाट विराट मेडिकल कलेजले संक्रमितको उपचार निःशुल्क गरेको थियो । विराटनगरमा यी दुई निजी अस्पतालले नि:शुल्क कोरोना संक्रमितको उपचार गर्न थालेका हुन् ।
https://youtu.be/lmQwj3kuh-s
