विराटनगर, १८ भदौ ।
करेन्ट लागेर मोरङको रंगेली नगरपालिकामा बिहीबार बिहान एक जनाको मृत्यु भएको छ ।
खेतमा पानी पटाउन मटर जोड्दै गर्दा विद्युत सट भई करेन्ट लाग्दा रंगेली नगरपालिका–५ बस्ने ५५ वर्षीय रामप्रसाद मण्डलको मृत्यु भएको प्रहरीले जनाएको छ ।
इलाका प्रहरी कार्यालय रंगेलीका प्रहरी निरीक्षक लेखनाथ दाहालका अनुसार मटरमा विद्युत् जोड्ने क्रममा करेन्ट लागेर मण्डलको घटनास्थलमै मृत्यु भएको बताइएको छ । घटनाबारे थप अनुसन्धान भइरहेको प्रहरीले जानकारी दिएको छ।