13
सुनसरीमा कोरोना सङ्क्रमितको संख्या १७ जना थपिएर कूल संख्या ६१९ पुगेको छ ।
धरानस्थित बिपी कोइराला स्वास्थ्य विज्ञान प्रतिष्ठानका तीन जना पुरुष र पुतली लाइन घर भएका अर्का एक पुरुष गरी धरानमा चार जना संक्रमित थपिएको धरान उपमहानगरपालिकाका स्वास्थ्य महाशाखा प्रमुख उमेश मेहेताले जानकारी बताए ।
संक्रमितको उमेर ३३ देखि ५२ वर्ष रहेको छ ।
यस्तै, इटहरी उपमहानगरपालिका क्षेत्रमा आज सात जना संक्रमित थपिएका छन् । संक्रमित हुनेहरुमा तीन जना पुरुष दुई महिला र दुई बालिका रहेको इटहरी अस्पतालले जनाएको छ । सङ्क्रमितको उमेर ११ महिनादेखि ४३ वर्ष रहेको छ ।
यस्तै, इनरुवा नगरपालिकाका पाँच जना पुरुष र एक महिला गरी ६ जना संक्रमित थपिएका छन् । हालसम्म फेला परेका संक्रमितमध्ये दुई सय पचास जना उपचारपछि घर फर्किएको र तीन जनाको मृत्यु भएको स्वास्थ्य कार्यालय सुनसरीकी अधिकृत दीक्षा श्रेष्ठले बताइन् ।
https://youtu.be/oX4DtRv7KsI
