सुनसरीको कोशी गाउँपालिकाका २ का वडाध्यक्ष हिरालाल यादवको मृत्यु भएको छ ।
घरमै बसिरहेको बेला शनिबार दिउँसो हर्टअट्याक भएपछि उपचारको लागि अस्पताल दौडाउने क्रममा उनको मृत्यु भएको गाउँपालिकाले जनाएको छ ।
उपचारका लागि अस्पताल लगिएपनि कोरोना भाइरसका कारण अस्पतालहरुमा भेन्लिेटर अभाव भएकोले समयमै उपचार नपाउँदा यादवको मृत्यु भएको गाउँपालिकाका अध्यक्ष ऐयुब अन्सारीले जानकारी दिनुभयो । विराटनगर र धरानका अस्पतालमा भेन्टिलेटर नभएको जानकारीपछि उनलाई झापाको विर्तामोडस्थित बिएण्डसी अस्पताल लगिएको थियो ।
ढिलोगरी अस्पताल लगिएकोले उनको मृत्यु भएको बताइएको छ । गाउँपालिकाले वडाध्यक्षप्रति हार्दिक श्रद्धाञ्जली व्यक्त गरेको छ ।